لما المسخرة توصل بيتنا مستحيل أسكت ، لا للإنحراف في بيتنا

**..●●**آه...لو**●●..** · 13-05-2008 03:00 AM

يوم من الايام اثناء وجودي في بيتنا شائت الاقدار انى احضر واشوف المهزلة دي علشان اضع لها حد وتكون قصة وعبرة لمن يعتبر

بينما انا قاعد ومستمتع بالفرجة علي فيلم كارتون حدث امر لم يخطر علي بالي في افظع الكوابيس
سمعت اصوات غريبة وحسيت بحركة في الصالة ، بكل قلق الدنيا قمت علشان استكشف
خرجت لقيت كل الاوضاع مستتبة والمنطقة المحيطة بالصالة يغلفها جو من الهدوء
لكني حدسي كخبير في الامور الخارجة عن استيعاب العقل البشري كنت متاكد من وجود شئ غريب
فقررت اني اثبت واستخبي لحد ما اعرف ايه بالظبط اللي بيحصل
فجأة لقيت صرصارين طالعين من تحت الكنبة بيجروا ورا بعض ..
من شكلهم كده تقول انهم اتنين بيحبوا بعض .
شبه الشباب والبنات اللي عندنا أما بيخرجوا مع بعض..
نفس المرح والبراءة!
لكن أنا بما اني حاقد عليهم بقي ..
كان لازم أحط حد للمسخرة دي!!
أصل بيتنا مش شقة مفروشة يعني!!!
وفعلا جبت المبيد .. ورشيته ..
وفعلا حركتهم اتجننت ..
وقعدوا يلفوا ويجروا بفزع وفجأه ..
اتقلبت الصرصارة .. وقعدت ترفس برجلها.. رفسة الموت !
ولقيت الصرصار بتاعها واقف جنبها ثابت في مكانه مصدوم ولحظات صمت رهيبة سادت المكان !!
بس شنباته كانت بتتحرك..
أكيد كان بيقولها متسيسبنيش يا حبيبتي ..
أو بيقولها استحملي عشان حبنا وكانت هيا حركات شنباتها برضه ( مش عارف ازاي عندها شنبات) بتقول ده قدرنا يا حبيبي أو مسيرك تنساني ..
أو يمكن بتقوله.. (سي حمدي خلي بالك من العيال)!
المهم بعد ماماتت خالص.. لقيته بقه التفت لي .. وفي عينة نظرة غضب عارمة ..
ده الانتقام أكيد , اكيد دلوقتي هيطلع سكينة عشان يقتلني .. ولما هيلاقيني كبير عليه .. هيموت نفسه ويخلص!..
وقعد يقرب مني بخطوات ثقيلة ..
وأنا من قوة موقفه وثباته و هالة اليأس المحيطة بيه مقدرتش اتحرك!
وفجأة وانا عمال اتراجع .. لقيت ورايا الحيطة!
وهو بيقرب..
دي النهاية!! ..
هيعمل ايه ؟
ممكن ييجي يدوس عليا بشبشبة؟
صعبة أصله مش لابس شبشب ..
ولا يمكن يجي لغاية عندي يبص لي بكل تحدي ويبص لي من فوق لتحت و يتف عليا ويمشي؟
احتمال!
لكن عقبال ما وصلي.. كان المبيد لعب لعبته القذرة في جهازة العصبي.. ووقع ..
وقعد يرفس رفسة الموت البطيئة لغاية أما توقف خالص.. ونظراته بتقولي.. مش هاسيبك غير لما انتقم لحبنا الل قتلته!!
المهم ..
انتهى الموضوع .. وقتلت بإيدي روميو وجوليت ..
حبيت أقوله في الجنة ان شاء الله ..
ده طبعا لو كان ناوي يتجوزها مش يغدر بيها زي شباب اليومين دول ..
أو احتمال انهم قرفانين من اهلها و أهله فا جم هنا!
حقهم .. بس برضة أحنا مرحناش زاحمناهم في البلاعات .. عشان يزاحمونا في بيوتنا!
اسيبكم بقي واروح اكمل فيلم الكارتون

منقول

**Messi** · 13-05-2008 03:07 AM

X(X(X(
ليه يا مصطفى؟
ليه تعمل كدا؟هم كانوا عملوا ليك ايه ؟
وبعدين ما يمكن كانوا متجوزين عرفى او متجوزين رسمى ليه مسالتهمش ؟
ليه مخلتهمش يدافعوا عن نفسه؟
منك لله يا شيخ؟

**..●●**آه...لو**●●..** · 13-05-2008 03:11 AM

يا ميسي انا كنت متغاظ عملين يجرو ورا بعض ويضحكو ويهزروا كيكي كيكي وشيكي بيكي وبعدين مهم بيلوثه سمعه بتنا وانا لايونكن اسمح بالمسخره في بيتنا
انا راجل شرقي

**Spider GirL**(•'.'•) · 13-05-2008 10:35 AM

حرام عليك يا مصطفى تقتل قلبين فيها حب
لالالالالالالالالالالالا
انت قاسى

**● **Moataz FoKak Meny Shoman** ●** · 13-05-2008 01:01 PM

انت قاسى اوى يا مصطفى
انت ضيعت حب كبير اوى موت حب من عائلة الصراصير

**| Nadooosh ●** · 13-05-2008 08:28 PM

ايوة كدة ...........

انت كدة غسلت عارك بأيدك ......!!!!!!!!!

عشان يكونوا عبرة لغيرهم ...........

**..●●**آه...لو**●●..** · 14-05-2008 12:14 AM

يا لهوي على الغل اللي فقي قلبك زيي يا منتوسه ايوه لازم اضع حد للمهزله
وبعدين ياسبيدر انا مفرقتش بينهم ولا حاجه انا بعتهم هما اللتنين

**Hot Ice** · 14-05-2008 01:01 AM

هو العرض جميل اوي يا تيفا ... بس

عايز اعرف ايه الهدف من القصه دي

جاوب وماتقولش عليا رخم !!

**● **Snow White** ●** · 16-05-2008 03:58 AM

الهدف من القصه هوا الهدف من القسم يا ايس و هوا أدخال الفرح و رسم البسمه

أما يا تيفا تسلم بجد تسلم العرض زى ما قال ايس جاااااااااامد

وأما بالنسبه للجثث عملت فيها إيه؟