نكت على الزملكاوية ( يافرحة الاهلاوية فيهم

[Wezooo(•'.'•)]

دى شوية نكت للزملكاوية
1-واحد زملكاوى طلع له عفريت فى الفانوس السحرى وقال له شبيك لبيك عبدك بين ايديك
قال انا عايز اشوف المرحوم ابويا العفريت قاله ده طلب صعب جدا اطلب حاجه تانيه قال له عايزين نفوز على الاهلى العفريت قاله انت ابوك مات سنة كام

2-مره واحد زملكاوي شاور لتاكسي قاله رايح ابوالعلا السائق قاله لا : رايح ابو تريكه

3-مره واحد زملكاوى راح إشترى بطيخه .. فطلعت حمرا.. راح مرجعها

4-مره واحد زملكاوى بيوقف تاكسى بيقوله 6 اكتوبر فقاله لا ستة واحد

5-مره واحد زملكاوى اشترى ساعه كل ماتيجى الساعه 6 تقول له بيبو بيبو بيبو


6- واحد زملكاوى ليلة زفافه فى غرفة النوم
العروسة للعريس : قبل ما تلمسنى احلف انك مش الراجل الاول فى حياتى
العريس الزملكاوى رفع ايديه للسما وقال
هو يارب المركز التانى ده ورايا ورايا

7-واحد زملكاوى متعصب خطب واحدة بيسالها عن عيد ميلادها قالت له 6\1 فسخ الخطوبة

8-اهلاوى اتجوز زملكاوية ستتها ..............

9-مرة واحد اهلاوى....وواحد زملكاوى...كانوا الاتنين جيران ...ساكنين فى بيت واحد....
الاهلاوى ساكن فى الدور الارضى....والزملكاوى فى الدور التانى............
فكل اما الزملكاوى ييجى طالع...الاهلاوى يقول مين اللى طالع......
الزملكاوى يقول انا الزملكاوى......يقوله الاهلاوى غلبناكم ستة واحد 6/1
الزملكاوى ييجى نازل.......يقول الاهلاوى مين اللى نازل......
الزملكاوى يقول انا الزملكاوى.....يقوله الاهلاوى غلبناكم ستة واحد6/1
مرة فى مرة فى مرة زهئ الزملكاوى وقال كدة مش هينفع لازم اشوف حل.........
راح لاتحاد الكورة.............وحكلهم على الموضوع...المهم عمله اجتماع.....
واتفقوا .....ان الزملكاوىيسكن ارضى...والاهلاوى يسكن دور تانى.....فأتفقوا ووافقوا.....
وفى يوم الاهلاوى طالع.........قال الزملكاوى مين اللى طالع...
رد الاهلاوىوقال مين اللى بيتكلم........قاله انا الزملكاوى......
قالهه برده غلبناكم ستة واحد.......................


10-مره بيسألو سوق التاكسى ايه الفرق بين التاكسى والزمالك قال السواق التاكسى غلبان بيشل 4ركاب اما الزمالك بيشيل 6
11-إية الفرق بين برت بلس والزمالك؟؟؟؟؟؟
برت بلس 3*1 لكن الزمالك 3 في عبدالواحد

[Spider GirL(•'.'•)]

اعترض على الموضوع دة بشدة



لن انسى لك هذا الموقف

[Wezooo(•'.'•)]

لا حول ولا قوة الا بالله
هوا نا عملت حاجه وبعدين
خلى روحك رياضيه

[| Bugs Bunny ●]

هههههههههههههه

يا عينى عليكى يا سبيدر هو انتى لسه محولتيش

هو فى ناس لحد دلوقتى زملكاويه
زمن الزمالك خلاص انتهى ,. ده لو كان ليه زمن اصلا !!!


شكرا يا ويزوووو على النكت الجامده دى
و وريكم اكتر و اكتر

[Spider GirL(•'.'•)]

حتى انتى كمان يا روكا عليا
وبعدين هو انا هحول مكالمات التليفون ( لسة ماحولتيش ال)

الله يسامحك
وعلى فكرة عادى جدا انا بحب الزمالك بأى شكل

[Hot Ice]

النكت جميله جدا طبعا ..

بس حاجه واحده محيراني ومش فاهمها ..

يعني ايه ...... زمالك ؟؟؟؟

[| Mannora ●]

ايه الحلاوة دى ايوة يا ويزه اديهم كمان

اللى يشل انهم طالعين فى السما على مفيش

[Spider GirL(•'.'•)]

مرة واحد فتح موضوع نكت عن الزملكاوية

جه مشرف زملكاوى اداله تحذير هو واللى ردوا وخلوا بالكوا الأدمن مش اهلاوى يعنى معايا هههههههه

[Wezooo(•'.'•)]

شكراااااااااااااا ليكى يا روكا على المشركه الجميله دى
وقولى لها انا مش عارف فى حد لسه بيشجع الزمالك
يلااااااااااااااا انا طول عمرى فاكر ان الزمالك دة مترو مش
او عربيه اول مره اعرف انه فريق كوره

[Wezooo(•'.'•)]

لا دى انتى حلتك حرجه جدااااااااااااااا
لازم تشفى دكتور شاطر بس مش اسلام الشاطر
ويا ريت يبقى اهلاوى