بنااااااااات النت

**Wezooo**(•'.'•) · 03-09-2008 11:21 PM

النوع الاول :- فشااااااااااااااار ( موجود بكثره .. هتكلم واحده هتاخد اتنين مجانا ) والنوع ده بقى دايما عايش فى المهندسين .. مصر الجديده .. وسط البلد وغالبا ما يكون مدينه نصر ) وطبعا يا اخويا مش هحكيلك على العربيه الاحدث موديل ولا على اشتراك النادى ( الاهلى - الزمالك - الصيد - الشمس - ....... والبقيه تاتى ) ودى دايما يا بتلعب تنس يا اسكواش .... ... وهما فى الاصل بينتموا لمركز شباب الحبانيه ....... حدث ولا حرج ولو جينا للشكل ... الشعر اصفر .. والعينين خضرا ( واليومين دول تلاقى الوان جديده للعينين احمر وبنفسجى و...و....و ........ بيجيبوها منين يا خويا ) وطبعا البياض مش هقولك انت فاهمنى طبعا وبعدين تاتى الصدمه لما يرووووح الشاب الغلبان عشان اول مقابله وهنا تحدث المفاجاه .... ( مبروك كسبت موعد غرامى مع ملكه جمال قلعه الكبش ) ... ااااااااااه يا زمن.

_____________

النوع الثانى :- (مش بكلم ولاد ) .... والنوع ده بقى هوه اللى يجيب الضغط يا خويا .... تدخل الشات وطبعا زى الغلبان عايز تتعرف تكون صداقه .. شىء طبيعى ... فتقولك ( سورى مش بكلم ولاد ) وفين وفييييين بعد ساعه من المحايله على صحبه الصون والعفاف توافق انها تقول اسمها .... (ما كان من الاول ) والنصيبه يا جدع تقولك مش بكلم ولاد وتلاقى الجهاز مفتوح فيه خمستاشر صفحه برايفت ..... حرام عليكى الكمبيوتر اشتكى ...... واللى يغيظ اكتر واكتر .. ان النوع ده فى الشات ماتلاقيهوش على العام طيب انت بتعمل ايه ...... ....

_____________

النوع الثالث :- ( البسكوته ) حاجه كده هستك فستك ..... والنوع ده بقى تلاقيه ياخويا يرفع الضغط تلاقيها بتقعد تدلع الكلام بطريقه غريبه .... على سبيل المثال وليس الحصر ( اسيك = ازيك .... انت عثل = انت عسل .... دقيقه وكايه = دقيقه وجايه ..... بتكزف = بتكثف )...... وهلم جر ... ايه ده يا اخواتى ده هطق .......حرااااام ولما بقى تيجى تتكلم معاه فى اى موضوع يقولك بلاش نتكلم فى الموضوع ده ..... طيب هنتكلم فى ايه ..... ....
واللى يغيظ ان جميع الانواع عندها نفس الاجابات لنفس الاسئله يعنى اجابه موحده ....
على سبيل المثال لو تقولها ممكن تكلمينى عن نفسك تكون الاجابه المعتمده ..... مش بعرف اتكلم عن نفسى...اسال وانا اجاوب ...... (وحياه ابوكو غيروا بقى .... )...

_____________

النوع الرابع :- (هيافه للابد ) ....... وهذا النوع يتدرج تحت بند عجائب الدنيا السبع ... واسمع بقى يا سيدى واتفرج على نص الحوار اللى مش هتشوف غيره طول ما انت مع النوعيه دى ..... ... شوفت اخر فيلم فى السينما ؟؟ ... سمعت اغنيه المطرب سيد الضلم ... اغنيه جامده موووووت .... امبارح جبت فستان زى بتاع حنان ترك بالزبط ..... تحفه ... انا مصاحبه شويه شباب شلتنا يعنى بيعملوا شويه حاجات مجنونه .... ياااااااى ....... شوفت البنت اللى انتحرت عشان خاطر حبيبها ... يا حرااام ..... .... وجرب كده تكلماه فى اى حاجه من المواضيع العامه زى انفلوانزا الطيور وقولها تعرفى ايه عنها ======== > تقولك : هيه دى اللى كانت فى المسلسل بتاع شانل تو ...... حاجه تفرس مش كده ..... وطبعا الشاب مننا كل اللى بيعمله انه بيقوم ويطفى الكمبيوتر بعد ما يكون قضى اهيف ربع ساعه فى حياته ... .... اه يا قلبى يا كتاكت ياما انت شايل وساكت

_____________

النوع الخامس :- (المعقـــد ) ..... وهذا النوع ننصحك ان تتعامل معه من مبدا انك=======>( بتتعامل مع موسوعه جينيس )....... ....لانك هتسمع كلام غرييييييييييب ... وتلاقيها بتقولك .. انا بطبق فى حياتى مبدا الفيلسوف مصطفى ابو شفه .... وباخد عبر من تجارب العالم توفيق شنبو (علماء من العالم الخارجى )..... ... وتلاقيها بتسالك وتقولك ايه رايك فى موقف المتطرفين فى دوله ( تفهنا العزب ) ..... او تقولك انت مش متعاطف مع اللاجىء السياسى من دوله ( عش الدبابير ) ... ده موقفه محرج جدا وفجاه وبدون سابق مقدمات تلاقيها بتحكيلك عن ...... التركيب الكيميائى عن ثانى اكسيد كبريتات العنب ...... وطبعا كيف يوثر المركب الكيميائى المسمى بــ (علف الكراويه)
على حياه سكان الفضاء الخارجى ...... .... يا خبر اسود ايه ده يا جدعاااااااااااان .... ونصيحه منى لو وقعت فى النوع ده اوعى وبقولك اهوه اوعى يكون ردك مش فاهم ..... .... او انتى بتتكلمى عن ايه ..... عشان هيكون ده مصيرك =======> ... ...... والشاب مننا بعد الحوار العلمى اللى مالوش حل بيكون اتحول من كتر العبقريه لمجنووووون .... ======> ...... ( هوه ده نصيبنا يا شباب ) .....

_____________

النوع السادس :- ( شيال الحمول ) ...... اتبرع ولو بجنيه ..... ...........وهذا النوع يحسسك بانك بنى ادم معندكش دم ..... زى الدبشه .... وتلاقيها فى كل كلامها بتحكيلك وتقولك ... اشى مره بتصرف على اخواتها ..... ومره انها مجروحه من حبيبها اللى خدعها ..... ...... وتقولك انا حاسه ان الدنيا كلها واقفه قصادى...... على راى المطرب حسن الاسود (انا اللى كلى جروح ومن الزمان مجروح ) .... اهىء اهىء ...... ( دموع التماسيح ) ..... وطبعا بعد ما الشاب الغلبان يسمع ده كله يقوم من على الجهاز وهو فاقد اخر امل ليه فى الحياه ....... ويلبس النضاره السودا ....... ويفكر فى الانتحار ... .......

وده يا شباب كان باختصار بعض التوضيح اللى كان لابد منه ... لبعض الشخصيات ومش كلها اللى بتبقى موجوده على النت ..... من البنات ( الطف الكائنات قديما ) ......
عشان كده لازم بعد ما كشفتلكوا الحقيقه المره نعمل وقفه .... وتكون جامده .... عشان يعرفوا اننا مش نايمين ولا مخدوعين

**Spider GirL**(•'.'•) · 03-09-2008 11:56 PM

ع فكرة مش كل الانواع كدة فى انواع متوسطة عادية يعنى
وانواع رخمة جدا ( انا دى لما بدخل يعنى )
وانواع تعرفها من النيم بتاعها ودى بقى اوعى تكلمها خطر الأقتراب منها هههههههههه

**| Nadooosh ●** · 04-09-2008 12:14 AM

ههههههههههههههههههههههههه ههههههههههههه
ههههههههههههههههههههههههه هههههههههههههههه

يخرب بيت جنانك

ههههههههههههههههههههههههه

لا فعلا موضوع جامد جدااااااااااااااااا

وخليكوا متغاظين مننا كدة !!!!!!!!!!!!!!!!!!!!!!!!!!!!!!

فى كام مصطلح فى الموضوع جامدين جداااااااااااااااااااااا

**Dr_Matrix** · 04-09-2008 04:08 AM

ههههههههههههههههههههههههه ههههههههههههههههههههههههه هههههههههههه
قولي بس اعمل فيك ايه
يخرب عقلك بجد دايما رافع راسنا كده
حبيبي يا ويزو يا مظبطنا
ويا فضحهم
ولعت يا حج ومش لاقين اللي يطفيها

**| Mannora ●** · 04-09-2008 05:07 PM

ههههههههههههههههههههه

بجد موضوع لذيذ وانا اصلا ما احبش ادخل على الشات

تحس ان كله قاعد بنصب على كله وكتير ناس مش محترمه فقلت الطيب احسن

وما بدخلش خالص

**Wezooo**(•'.'•) · 05-09-2008 02:56 PM

هههههههههههههه
انا بحيكى يا اماااااااااانى على الشجاعه اللى انتى فيهم طبعاااااااااا
انا هاخد بالى لما ادخل من النيم بتاعها وشكرااااااااااااا على النصيحه الجميله دى

**Wezooo**(•'.'•) · 05-09-2008 02:59 PM

ههههههههههههههههههههههه
خربنتى بيت جنانى كده طيب انا عامل ايه بقى
المهم سيبك من اللى الموضوع اهم حاجه انه عجبك وطبعااااااااااااا
شزيه المصطلحات دى ايه اخر حلاوه
وشكرااااااااااااااا ليكى يا ندى على المشركه
ويا رب يكون عجبك
وطبعاااااااااااا احنا مش متغاظين احنا بس بنورى الناس الحقيقه

**Wezooo**(•'.'•) · 05-09-2008 03:03 PM

ههههههههههههههههه
شكراا ليك يا اسلام وربنا يخليك يا بنى طول عمرك رافع راسى
هقولك تعمل بقى فيا ايه تدينى بوسه
وطبعااا يابنى انا اللى مظبتكم واى خدمه يا باشا
وبص بقى يابنى مافيش حد هيقدر يطفيها زى مجلس الشورى

**Wezooo**(•'.'•) · 05-09-2008 03:06 PM

شكرااااااااااااا ليكى يا جى على المشركه وبجد
انتى نورتى الموضوع
وعندك حق الشات ده ماحدش بيعرف مين بيضحك على مين كله قاعد ينصب
ودى يدل على ان الشعب العربى نصاب