لما الولد يدرس مع بنت !

**Hot Ice** · 14-09-2008 04:06 PM

تعالوا نشوف الولاد لما ييدرسوا في فصل فيه بنات

1: بتقل نسبة الغياب الى 99%

2: تنتهي أيام النذاله وعدم تسليف الاقلام ......

3: كل واحد يفتح أذنيه وعيونه.......ومش بعيد مناخيره مع الدرس

عشان هيشرح للطالبات بعد الضهر طبعا

4: تزيد نسبة الادب والاحترام حتي لو علي سطر وسطر .

5: تلاقيهم صاحيين من ثلاثة الفجر عشان مايروحش المدرسه وعينه منفخه

6: تشم كوكتيل من شتي انواع البرفانات ( طبعا في وقت الدراسه بس ) !

7: تقل نسبة النوم بالفصل الى 200 %

8: يكثر الشعراء والرومانسيون وكاتبي القصائد بخمسة شلن في الربيع .

9: المدرسين طبعا منتهي السعاده بنظافة الاولاد وتفوقهم

لا.....وتشوف الدرس كل سطر بلون مختلف.....

10: تكثر العزايم وطبعا ينسوا أيام السميط والفلافل

11: المصيبه بئا ان كل البنات بينجحوا...... والولاد بيسقطوا

ماتعرفوش ليييييييه ؟؟

**Dr_Matrix** · 14-09-2008 04:23 PM

ههههههههههههههههههههههههه ههههههههههههههه

يا ريت فاكس فوري لوزير التعليم بالموضوع ده

**Hot Ice** · 14-09-2008 04:33 PM

.. دا انت ياباشا حللت الموضوع بالضبط كأنك

بتذاكر لحد بعد الضهر !! هههههههههههههههههههه

تسلم ايدك يا دك علي المرور والتحليل اللذيذ اوي ده

ومعلش سؤال كدا مالوش لزمه ... هو فيه وزير تعليم ؟؟؟؟؟

**Dr_Matrix** · 14-09-2008 04:38 PM

ايه لا ما تقولش
هم لغوه وانا ما اعرفش
يخربيت الامتحانات اللي بتخلي الواحد يغيب عن الدنيا

**MeEeGoOoO**(•'.'•) · 14-09-2008 07:15 PM

حاجه رخمه بجد
تلاقى الولد ياعينى عمال يحوش فلوس علشان يخرج البنت اللى بيحبها
وهيا مش معبراه اصلا يعنى حاجات غريبه بتحصل
ولو مفيش بنات فى الفصل الولد ولا هيروح المدرسه ولا هيسقط

**| Mannora ●** · 15-09-2008 12:25 AM

ههههههههههه

جامد الموضوع ده اوى

اقولك الولاد بتسقط ليه

بيبقوا مركزين مع البنات ودماغه شغاله هاعمل ايه

بكره مع البت وهبقى روميو فى نظرها ازى واجذبها ازى وكده يعنى

اما البنات بتبقى واخده بالها من كل حاجه ومطنشه

براحتها وعامله مش واخده بالها ولو اتكلمت مع

الولد تعيشه فى حاله هيام على الاخر بس هى

مش عبيطه مصلحتها اولا وتلاقينا بنذاكر من تحت

لتحت امال ده مستقبل وفى الاخر الواد يتنيل

ويسقط وهى طبعا عامله حسبها تسقط ازى الكلام

ده مش عندنا........

**..●●**آه...لو**●●..** · 15-09-2008 12:54 AM

انا مش عارف اعمل ايه اكتر من كده
اكيد البنات عاملين لنا عمل
ههههههههههههههه
الف شكر ع التوبيك التحفه ده يا هوت

**Wezooo**(•'.'•) · 15-09-2008 01:00 AM

والله يا واد يا تيفه عندك حق باين انهم عملين عمل
بس بقى يا عم هوت انا بقى مش بتفرق معايا خالص
اذا كان فى بنات معايا ولا و لأ يعنى مش بتفرق
ونص الحاجات دى مش بعمله يعنى احنا يابنى نختلف عن الاخرون
وشكرااااااااااااا ليك يا باشا

**Hot Ice** · 15-09-2008 01:15 AM

ياريت يلغوه يا وسام .. ربنا يسمع منك

جايز التعليم حاله يتظبط !

**Hot Ice** · 15-09-2008 01:18 AM

هههههههه ... ولا هيروح المدرسه ولاهيسقط ! عروستي !!

بس من ناحيه حاجه رخمه .. هي حاجه تجيب شلل معيز !

ربنا يهدي يا زورو ياخويا ... ونورتني بمرورك ياباشا