- الإهدائات >> |
نبدأ من حيث بدأ الجميع , وبلا استثناء يبدأ مشوار الألف ميـل ( الحب ) بتعارف بسيط جداً وبرىء الي ابعد الحدود , ولكن ماذا عن احداث النهايــــــة , لن اترك لمن يشاهدني الان علامة استفاهم واحدة من خلال طرح هذا الموضوع الهام والعصــري والمنتشـر بسرعة الصاروخ ...زى ما اتعودنا مع بعض اننا نناقش المواضيع ببساطة وبدون تعقيد للأمور , فأنا النهاردة بطرح موضوع , متأكد ان ناس كتير اتناقشت فيه ؟!
طبعاً يا جماعة , ناس كتيرة جداً مرت او حتي مرت مرور الكرام علي موضوع الحب عالنت , تعالوا نطرح الموضوع في صورة اسئلة واجوبـة
س1 : ايه هيا ابعاد القضية دى ؟؟ او هو ازاى بيبتدي الحب عالنت ؟؟
ببساطة وزى ما قولت الحب عالنت , بتكون بدايته تعارف برىء , وبمرور الوقت بيبدأ الموضوع يتطور حتي يصل لأعجاب , ولو الاعجاب دا جاب نتيجة مع البنت , والشاب لقي انه فيه تجاوب بيتحول الاعجاب دا لحب من طرفين , وكمان بيكون للموضوع دا تطورات من نواحي كتيرة , زى مثلاً من اتصال بالنت --> لإتصال بتليفون --> حتي يصل للمرحلة الاخيـــرة وهي مرحلة المواعيد المواعدات والمقابلات .
س2 : عندك شواهد او شوفت قصص حب بدأت من النت ,وياتري وصلت لحد فين ؟؟
طبعاً بالتأكيد عندي قصص حب كتيرة جداً , وكانت بدايتها النت
ونبدأ بقصة بسيطة جداً وهي لفتاة تبلغ من العمــر 15 سنه , ولما بدأت الفتاة دى تتعمق في برامج المحادثات والشات , تلاقت مع شاب في احدي برامج الشات او الدردشة وكان الشاب اكبر منها بحوالي 5 سنين , وطبعاً كانت هي من محافظة وهو من محافظة اخري , بعد مرور الوقت , وبعد ما عدت مرحلة التعارف , بدأت قصة الحب , وقدر الشاب دا يأثر علي البنت المسكينه دى , وبدأت البنت تتحول من مرحلةالاعجاب لمرحلة الحب , لمرحلة الحب الشديد , لمرحلة العشق .. وتطور الموضوع بشكل سىء ...وبدأ الموضوع يأخد مساره الطبيعي وبدا الشاب يلح بمقابلة هذه الفتاة , وبالفعل تمت المقابلة , وبقي الحال علي ما هو عليه لمدة عدة شهور , وفي الاخــــر بعد كل هذا الحب الشديد , بدأ الشاب في اختلاق المشاكل , وبدأ يبتعد خطوة بخطوة ...
قد تكون القصة خيالية ولكنها مقاربة للحقيقة
س3 : ايه هي الاسبـاب اللي بتدفع بعض الشباب والبنات للحب عالنت ؟
1- الحاجة الشديدة للحب , وتبادل المشاعر , وفقدان الحنان , وللإحساس بالذات , واحياناً للتجربــة .
2- الحالـة النفسيــة : قد تكون في بعض الاحيان الحالة النفسيـة دافع هام واساسي للحب علي النت , وقد يكون احد الطرفين مصدوم من قصة حب تمت في حياته العاديـة , او قد لا تسمح حالته النفسية بالخوض مرة اخريفي قصة حب حياتيه .
3- السهـــــــــــــولة : لان طبعاً مراحل الحب عالنت تختلف تماماً عن مراحله في الحياة العادية , ويبدأ الحب عالنت ببساطة عما يكون عليه في الحياة العاديــة .
4- التسليـــة : ودا بالتأكيد طابع غالب علي قصص الحب عالنت , يعني زى ما يكون استغلال لفراغ الوقت , وشغله بكلام معسول وجميل ولذيذ وخفيف علي القلب .
5- الانتقــام : احياناً يكون الشاب او الفتاة خارجين من قصة حب فاشله في الحياة وللأسف احياناً للبعد عن التعميم لا يستطيع كل منهم الانتقام من الطرف الاخـــر , فقد يكون هذا الانتقام من خلال الشبكة الانترنتيــــه .
6- التفكك الاســـري : وللأسرة دور كبيـر في هذا الموضوع , لان بالتأكيد لو الاسـرة مكتملة الاركان , ومتعاونه وهناك حالة حوار دائمة بين الاباء والابناء , فلن يحتاج الابن او البنت لمثل هذه القصص الخياليــة .
7- الملل : وهذا ما يكون عليه كتير من الشباب والبنات , واللي الملل بيكون دافع قوي لأن يدفع البعض للممارسة اعمال اندفاعيـه غيـر معروف نتائجها مسبقــاً .
وهناك اسباب اخــري كثيـــــــــرة جداً لا نستطيع حصـــــــــــــــــــــــ ـــرها ...
س4 : ما هي الرسالة اللي توجهها لشاب او فتاه يمــر بهذه القضــية الان ؟
الإجابة دى ليكم
تعقيبات خاصـــة لقراء هذا الموضوع :
1- القضية مفتوحة للنقاش , وللموضوع بقيـة بإذن الله .
2- لا انتظــر شكر , ولكن انتظر تعقيبات جادة تشجع علي الاستمرار .
3- هناك ايجابيات وسلبيات في اي موضوع .
4- قد تكون هناك نسبة نجاح ضئيلة جداً لنجاح " قصة حب عالنت " وقد تكون عالية فى وجود وعى ثقافى عالى بين الطرفين
محاولة تيفاوية لجعل الموضوعات أكثر فاعلية إنضم لينا
رأيك انت حر فيه قد يكون صح قد يكون غلط مش مجبر انى اكون انا وانت لينا نفس الرااى مش هفرض رأيى عليه ولا هتفرض رأيك عليا هنتناقش هتقول انت شايف الامور ازاى .. وانا شايفها ازاى وف الاول والاخر كل الاحترام ليك ولرايك يعنى مفيش تعصب ومفيش اعتراض جامح مفيش كلمات جارحه .
نبدأ من حيث بدأ الجميع , وبلا استثناء يبدأ مشوار الألف ميـل ( الحب ) بتعارف بسيط جداً وبرىء الي ابعد الحدود , ولكن ماذا عن احداث النهايــــــة , لن اترك لمن يشاهدني الان علامة استفاهم واحدة من خلال طرح هذا الموضوع الهام والعصــري والمنتشـر بسرعة الصاروخ ...زى ما اتعودنا مع بعض اننا نناقش المواضيع ببساطة وبدون تعقيد للأمور , فأنا النهاردة بطرح موضوع , متأكد ان ناس كتير اتناقشت فيه ؟!
شكرا ليكي ع الموضوع يا لولا
بس انا شايف من وجه نظري الصغنطوطه
ان الحب ع النت باطل باطل باطل
زي جواز عتريس من فؤاده
ههههههههههه
لا بجد مش ينفع خالص
بس ممكن نعمل اصحاب
موضوع جميل
بس الرد هيكون قليل
ليه بقي يا لولا عشان اجابته ليست اكتر من كام كلمات
وهو ان
حب علي النت حب فاشل ولعب عيال
واذا كان الحب فاشل فان الزواج سيكون افشل
اشكرك
واحب ان اري تعليقق علي الرد
السلام اخر الكلام
فكك منى
بعد احداث 25 يناير
بردو فكك منى
![]()
![]()
![]()
شكرا ليك مصطفى على مرورك وفعلا الحب عن طريق الانترنت باطل وممكن يكون
اصحاب انما حب وزواج لا ينجح
شكرا ليك تيتانك على مرورك فعلا الحب عن طريق النت فاشل فاشل فاشل وكله
كلام فارغ ولعب عيال فعلا بس فى علاقات كتيرة جدا بتتزوج عن طريق الانترنت بس صدقنى اغلبهم بيكون مش مستريح وفى الاخر بيفشل برضو
هو ايه اصلا الحب ؟
ماهية الحب هي اللي تقرر ازاي كان ينفع على النت او لا.
فلو كان حب , يبقى ينفع
لو كان حب![]()
التعارف و العلاقات الغلط على النت هي اللي ظاهرة غلط
انما الحب ..
يا سلام على الحب
بس لما يكون موجود بس![]()
على رايكم يا جماعة ما بقاش فى حب يا سلام على الحب زماااااان انما دلوقتى
ما اصبحش حب اصبح حب المصالح فقط شكرا لكم جميعا
مش فاكر شوفت الموضوع ده فين بس انا رايى ان مافيش حب ع النت
الذين يشاهدون الموضوع الآن: 1 (0 من الأعضاء و 1 زائر)
الإجراءات : (من قرأ ؟)
لم يشاهد الموضوع أي عضو حتى الأن.
مواقع النشر (المفضلة)