هل يحق للأباء تفتيش موبايلات أبنائهم؟

[eman 18]

بعد أن أصبح الموبايل شي مهم وكل صغير وكبير يستخدمه وأصبح ذات أهميه كبيره
وله كثير من التصرفات السليمة والغير سلميه

والسؤال هو:-
هل يحق للأهل التفتيش بموبايلات أبنائهم؟!
أم أن الحرية قفص مقدس لا يمكن دخول الغير له..!

بنتظار ارئكم ومشاركاتكم
تحياتــــــــــــــــــــ ـــــــــــــــــــــــــ ـــي

[Wezooo(•'.'•)]

السؤال ده ممكن يبقى ليه اكتر من اجابه
انا شايف ان الاهل اللى مش بيثقوا فى ولادهم مش لازم يفتشوا
وانا شايف لما هيعملوا كده اكيد بيخافوا على ولادهم طبعا عاوزين يطمنوا عليهم
طبعا الاباء مش هيعملوا كده مع اللى ولادهم اللى خلاص خلصوا وبقوا ليهم حياتهم الخاصه
يعنى هنرجع لى اكتر من حاجه
1- انهم يكون لسه صغيرين
2- ان ده مش هيبقى تدخل فى حياتهم
3- دى مش هيكون اثر على حريتهم
لان الحريه زى ما هى الزام فهى التزام يعنى لازم لكل حريه قيود وسن محدد
وللحديث بقيه

[| Silent Guardian ●]

انا من رأيي يجوز
لكن في حالات
يعني مثلا ملاحظ تغيير على تصرفات ابني او بنتي لازم ابتدي اراجع اسلوب حياتهم
و الموبايل بيكشف حاجات كتير
بس انا لو ملاحظ كل حاجة طبيعية مش هحتاج اني ادور في موبلاياتهم بالعكس هديهم حرية كفاية
و الشباب لازم يغلط عشان يتعلم
المهم يكون الغلط في حدود المسموح

[دمياطية]

انا فعلا مع هذا الراى

[الورده البيـــــــــــضاء]

اكيد لو الاولاد لسه صغيرين او كانوا طايشين من حق الاباء الاطمئنان عليهم من غير ما يشعروهم بكده

موضوع جميل ومهم شكرااااااااااااا

[زويله الصغيره]

مشكوره يا ايمان ع التوبيك ده صراحه مهم جدا
وسؤال كتير حلو
طبعا ينفع حتى لو الاب او الام واثقين بأولادهم وبناتهم ثقه عمياء مفيش اى مشكله
لما يطمنوا عليهم او حتى يشوفوا الرسايل عكسا ده الغلط انهم ما يتابعوش اولادهم وبناتهم من اى جانب سواء ومبايل او نت اوميل
او اى حاجه وانا شايفه انه ما فيش اى مشكله وان ده مش تعدى على الحريه ولا حاجه عكسا هذا صميم الحريه
الحريه الامنه
تحياتى لكى ع التوبيك القيم ده
تقبلى مرورى
r.s

[!..!]

هما جابوا موبايلات إمتى ؟؟

[Sunset Beauty]

مش عارفه من حقهم ولا لأ
بس اكيد لو ابناءهم متربين كويس
وبيثقوا فيهم مش حيحتاجوا يعملوا كده
نايس توبيك
تسلم ايدك

[Eng Super Hero]

قفص مقدس دا مش على الاباء والامهات يا ايمان

من واجب الاباء والامهات الاساسى هو تربيه ابنائهم

وانت قلتى الموبايل ممكن يتعمل بيه حاجات غير سليمه

فبكدا لو الاباء سابو الحبل على الغارب يبقى تربيتهم لاولدهم نااااااااااااااااااااااقص ه

فيبقى طبعا الاباء مش من حقهم وبس دا واجب عليهم تفتيش موبايلات ابنائهم

تحيااااااااااااتى

[| Amino2 ●]

بصوا انا مقريتشى ولا رد من ردود الناس عشان اقول اللى انا عاوزه وخلاص
مبدايا كده اكيد طبعا يق للاهل انهم يعملوا رقابه على ولادهم فى كل شىء بس مش يخنقوهم
لكن من حقه يفتش موبايلك مهما كانت ثقته فيكى او فيك ماهو انت اكيد فى مره هتغلط وهتجيب حاجه غلط على الموبايل
مش اقصد .......لا قصدى ممكن صور بس مبالغه شويه ممكن رقم بنات او ولاد مينفعشى تكلهم
المهم ان هو من حقهم وخصوصا ان الدنيا مش فيها اصحاب يحافظوا على بعض زى زمان
وكما قال الشاعر
الحب صح صح والهجر دح دح
وشكرا ليك